Ժամանակը Երևանում՝ 11:07:36,   17 Հունիս

Իտալիայում տուրիստական ավտոբուսի վթարի հետևանքով վիրավոր ՀՀ քաղաքացիների թիվը 5-ն է. ԱԳՆ


ԵՐԵՎԱՆ, 22 ՄԱՅԻՍԻ, ԱՐՄԵՆՊՐԵՍ: Իտալիայի Սիենա-Ֆլորենցիա ավտոմայրուղում տուրիստական ավտոբուսի վթարի հետևանքով վիրավորների թվում կա Հայաստանի Հանրապետության 5 քաղաքացի: Ինչպես հաղորդում է «Արմենպրես»-ը, այս մասին «Ֆեյսբուք»-ի էջում հայտնել է ՀՀ արտաքին գործերի նախարարությունը՝ հղում անելով Իտալիայում ՀՀ դեսպանությանը:

«Տուժածներին ցուցաբերվել է անհրաժեշտ բժշկական օգնություն: Նրանցից 4-ն արդեն դուրս են գրվել, իսկ 1-ն ունի թեթև վնասվածքներ և դեռ գտնվում է հիվանդանոցում: Դեսպանությունն անմիջական կապի մեջ է Սիենայի պրեֆեկտուրայի և պատկան այլ մարմինների հետ՝ նոր մանրամասներ ստանալու նպատակով»,- հայտնում է ԱԳՆ-ն:

Ավելի վաղ Իտալիայում ՀՀ դեսպանությունը հաղորդել էր 2 վիրավորների մասին:

Իտալիայի Սիենա-Ֆլորենցիա ավտոմայրուղում վթարված տուրիստական ավտոբուսում գտնվել է 60 զբոսաշրջիկ տարբեր երկրներից՝ Ղազախստանից, Հայաստանից, Վրաստանից և այլ երկրներից:




Լրահոս

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ