1000х90.jpg (78 KB)

Երևանում՝ 11:07,   29 Մարտ 2024

«Գահերի խաղի» եզրափակիչ սերիան դիտումների նոր ռեկորդ Է սահմանել ԱՄՆ-ում

«Գահերի խաղի» եզրափակիչ սերիան դիտումների նոր ռեկորդ Է սահմանել ԱՄՆ-ում

ԵՐԵՎԱՆ, 21 ՄԱՅԻՍԻ, ԱՐՄԵՆՊՐԵՍ: «Գահերի խաղը» կինոսագայի եզրափակիչ սերիան դիտումների նոր ռեկորդ Է սահմանել ԱՄՆ-ում, այն դիտել Է ավելի քան 19 մլն մարդ: Այդ մասին, ինչպես տեղեկացնում Է «Արմենպրես»-ը, հայտնել Է Hollywood Reporter հրատարակությունը:

Ութերորդ եթերաշրջանի վեցերորդ՝ եզրափակիչ սերիան 19,3 մլն դիտում Է հավաքել եթերային ցուցադրությունում, ինչպես նաեւ HBO GO եւ HBO NOV հարթակներում: Նշվում Է, որ սերիան ռեկորդային Է դարձել ոչ միայն տվյալ սերիալի, այլեւ HBO ալիքի համար: Նախորդ ռեկորդը պատկանում Էր սագայի նախավերջին սերիային, որը հավաքել Էր 18,4 մլն դիտում:

«Գահերի խաղի» եզրափակիչ սերիան HBO հեռուստաալիքը ցուցադրել Է մայիսի 19-ին: Մինչդեռ սերիալը դիտածներից ոչ բոլորն են գոհ մնացել սագայի վերջին եթերաշրջանից: Հայտնի Էր դարձել, որ «Գահերի խաղի» ավելի քան 1 միլիոն երկրպագուներ HBO-ից պահանջել են վերանկարահանել սագայի ութերորդ եթերաշրջանը: «Գահերի խաղի» ութերորդ եթերաշրջանը մեկնարկել Է ապրիլի 14-ին: Այդ ժամանակվանից երկրպագուները քանիցս իրենց դժգոհությունն են հայտնել սերիաների սյուժեից, ինչպես նաեւ կինովրիպումներից, որոնք թույլ են տվել սերիալի ստեղծողները: Ընդամենը թողարկվել Է 73 սերիա:

«Գահերի խաղը» հեռուստասերիալը նկարահանվել Է Ջորջ Մարտինի «Սառույցի եւ կրակի երգը» ֆենթեզի-շարքի հիման վրա: Վիպաշարի եւ սերիալի գործողությունը տեղի Է ունենում երկու մտացածին մայրցամաքներում, որտեղ մի շարք արիստոկրատական տոհմեր մրցակցում են Վեսթերոսի յոթ թագավորությունների նկատմամբ գերիշխանության համար այն դեպքում, երբ ողջ մարդկությանը ոչնչացում Է սպառնում անդրշիրիմյան ուժերի արշավանքի պատճառով: Սերիալի ստեղծողները, որն առավել մեծ ժողովրդականություն վայելողներից մեկն Է դարձել պատմության մեջ, «Էմմի» 38 հեղինակավոր մրցանակ Է ստացել, հաղորդել Է ՌԻԱ Նովոստին:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]