Երևանում՝ 11:07,   19 Մարտ 2024

Ավարտվել է Բակո Սահակյանի և «Իմ քայլը» խմբակցության պատգամավորների հանդիպումը

Ավարտվել է Բակո Սահակյանի և  «Իմ քայլը» խմբակցության պատգամավորների 
հանդիպումը

ԵՐԵՎԱՆ, 20 ՄԱՅԻՍԻ, ԱՐՄԵՆՊՐԵՍ: Ազգային ժողովում ավարտվել է Արցախի նախագահ Բակո Սահակյանի հանդիպումը «Իմ քայլը» խմբակցության պատգամավորների հետ: «Արմենպրես»-ի հաղորդմամբ՝ հանդիպումից հետո Բակո Սահակյանը պատասխանել է լրագրողների հարցերին: Նա տեղեկացրել է, որ քննարկել են բոլոր առաջնահերթ նշանակության հարցեր:

«Մենք պայմանավորվել ենք բոլոր հնարավորություններն օգտագործել, այդ թվում՝ հաճախակի հանդիպումներ ունենալ, որպեսզի ստիպված չլինենք հայտնվելու այնպիսի իրավիճակներում, որոնք խորթ են մեզ համար, մեր հայրենիքի համար: Հարցադրումները եղել են անկեղծ և ազնիվ: Ես փորձել եմ իմ մոտեցումները ներկայացնել»,-ասել է Բակո Սահակյանը:

Լրագրողները խնդրել են հստակեցնել, թե ինչ մասին է խոսվել. Բակո Սահակյանը նշել է, որ քննարկել են հարցեր անվտանգության համակարգի, միջխորհրդարանական կապերի, բանակցային գործընթացի, տնտեսության հետ կապված:

Անդրադառնալով Ապրիլյան պատերազմի հետ կապված քննիչ հանձնաժողով ստեղծելու առաջարկին՝ Բակո Սահակյանը նշել է, որ ցանկալի է՝ նման հանձնաժողովներում ներգրավված լինեն այնպիսի մարդիկ, ովքեր մասնագիտորեն ի վիճակի են իրենց գործունեությամբ օգնելու և չբացահայտված փաստերը բացահայտելու, լրացուցիչ ճշտումներ մտցնելու:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]