Ժամանակը Երևանում՝ 11:07:36,   21 Հունիս

«Ջոն Ուիք 3»-ն ԱՄՆ-ում եւ Կանադայում դրամամուտքերով գերազանցել Է եզրափակիչ «Վրիժառուներին»


ԵՐԵՎԱՆ, 20 ՄԱՅԻՍԻ, ԱՐՄԵՆՊՐԵՍ: Lions Gate Entertainment ստուդիայի «Ջոն Ուիք» կինոֆիլմի երրորդ մասն անցած հանգստյան օրերին ԱՄՆ-ում եւ Կանադայում դրամամուտքերով գերազանցել Է «Վրիժառուներ. եզրափակիչ» կինոնկարին: Այդ մասին, ինչպես տեղեկացնում Է «Արմենպրես»-ը, գրել Է Dow Jones-ը:

«Ջոն Ուիք 3»-ը, որում գլխավոր դերը խաղացել Է Քիանու Ռիվզը, 57 մլն դոլար Է վաստակել իր դեբյուտային ուիք-Էնդում՝ դառնալով վարձույթի առաջատարը, ինչը ցույց են տվել ստուդիայի նախնական հաշվարկները: Միեւնույն ժամանակ «Վրիժառուների» եզրափակիչ Էպիզոդն իր չորրորդ հանգստյան օրերին վարձույթում հավաքել Է 29,4 մլն դոլար՝ իջնելով երկրորդ հորիզոնական:

Վարձույթում երրորդ տեղում հաստատվել Է «Պոկեմոն: Խուզարկու Պիկաչուն» ֆանտաստիկական ֆիլմը, որն ԱՄՆ-ում եւ Կանադայում հավաքել Է 24,8 մլն դոլար:

Չորրորդ տեղն զբաղեցրել Է «Շան կյանք 2» կինոնկարը՝ վաստակելով 8 մլն դոլար: Վարձու մարդասպան Ջոն Ուիքի պատմության երրորդ մասի դրամամուտքերը մոտավորապես չորս անգամ գերազանցել են 2014 թվականին թողարկված առաջին ֆիլմի արդյունքները եւ գրեթե կրկնակի գերազանցել երկրորդի դեբյուտային ցուցանիշը, որը ցուցադրվել Է 2017 թվականին: Համաշխարհային վարձույթում «Ջոն Ուիք 3» ֆիլմի դրամամուտքերը կազմել են մոտավորապես 92 մլն դոլար, հաղորդել Է «Ինտերֆաքս»-ը:




Լրահոս

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ