1000х90.jpg (78 KB)

Երևանում՝ 11:07,   28 Մարտ 2024

Տիգրան Գալստյանն ու Բելառուսի մշակույթի փոխնախարարը քննարկել են ոլորտում համագործակցության հարցեր

Տիգրան Գալստյանն ու Բելառուսի մշակույթի փոխնախարարը քննարկել են ոլորտում 
համագործակցության հարցեր

ԵՐԵՎԱՆ, 17 ՄԱՅԻՍԻ, ԱՐՄԵՆՊՐԵՍ: ՀՀ մշակույթի նախարարությունում մայիսի 17-ին տեղի է ունեցել ՀՀ մշակույթի նախարարի պարտականությունները կատարող Տիգրան Գալստյանի և Բելառուսի մշակույթի նախարարի տեղակալ Սերգեյ Շերեմետևի, ԲՀ մշակույթի նախարարության միջազգային համագործակցության և տեղեկատվական աջակցության բաժնի խորհրդատու Վիկտորիա Վալչուկի և ՀՀ-ում Բելառուսի Հանրապետության արտակարգ և լիազոր դեսպան Իգոր Նազարուկի հանդիպումը:

Ինչպես «Արմենպրես»-ին տեղեկացրին ՀՀ մշակույթի նախարարության հասարակայնության հետ կապերի բաժնից, հանդիպման ընթացքում քննարկվել են մշակույթի ոլորտում երկկողմ համագործակցությանն առնչվող հարցեր:

ՀՀ մշակույթի նախարարի պարտականությունները կատարող Տիգրան Գալստյանը հույս հայտնեց, որ «Հայաստանի Հանրապետության մշակույթի նախարարության և Բելառուսի Հանրապետության մշակույթի նախարարության միջև 2019-2022 թթ. համագործակցության մասին» ծրագրի հիման վրա մայիսի 16-19-ն անցկացվող Հայաստանում Բելառուսի մշակույթի օրերի ծրագիրը հաջող ընթացք կունենա, իսկ  մայիսի 17-ին կայանալիք բելառուսական արվեստի վարպետների գալա համերգը մեծ ուրախություն կպարգևի հայ հանդիսատեսին ու առաջիկա օրերի ընթացքում բազմաթիվ այցելուներ կմասնակցեն բելառուս ժողովրդի մշակութային ժառանգության յուրօրինակ բազմազանության և հարստության ցուցադրությանը նվիրված միջոցառումներին:

Հայաստանի և Բելառուսի միջև բարեկամական հարաբերություններն երկար տարիների պատմություն ունեն և մշակույթը փոխգործակցության առավել հաջող ոլորտներից մեկն է: Դրա մասին են վկայում վերջին տարիներին փոխադարձ կազմակերպված մշակույթի օրերը և լայնամասշտաբ ցուցադրությունները, մասնավորապես, Բելառուսի ազգային գեղարվեստի թանգարանում 2017թ. Փարավոն Միրզոյանի «Հայկական ուրվապատկեր» և 2018 թ. «Հայկական գունապնակ» խորագրի ներքո ցուցահանդեսները, 2018 թ. Երևանում Յանկա Կուպալայի «Դեպի լեռների և սրընթաց գետերի երկիր…» խորագրով ցուցահանդեսը:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]