Ժամանակը Երևանում՝ 11:07:36,   19 Մայիս

Փաշինյանը հայտնել է Հայաստան մատակարարվող գազի գնի խնդիրը մինչև տարեվերջ լուծելու մտադրության մասին


ԵՐԵՎԱՆ, 17 ՄԱՅԻՍԻ, ԱՐՄԵՆՊՐԵՍ: Հայաստանը մտադիր է մինչև 2019թ. ավարտը Ռուսաստանի Դաշնությունից Հայաստան մատակարարվող գազի գնի իջեցման հարցի վերաբերյալ համաձայնության գալ ռուսական «Գազպրոմ» ընկերության հետ: «Արմենպրես»-ի փոխանցմամբ՝ այս մասին հայտնում է ՏԱՍՍ-ը` հղում անելով մայիսի 17-ին ռուսական լրատվամիջոցների լրագրողների հետ զրույցում ՀՀ վարչապետ Նիկոլ Փաշինյանի արած հայտարարությանը:

«Ես վստահ եմ, որ գազի գնի իջեցումն իրատեսական է: Հարցը ոչ միայն առանձին միայն գազի գնի հետ է կապված, այլև վերաբերում է Եվրասիական տնտեսական միության արդյունավետությանը: Մենք, սկզբունքորեն, արդեն ունենք պայմանավորվածություն, որ միասնական էներգետիկ շուկա կստեղծվի, և մեր առաջարկները համապատասխանում են դրա շուրջ բանակցությունների տրամաբանությանը: Գազի և էներգառեսուրսների ոչ խտրական գները կարևոր են ԵԱՏՄ արդյունավետության համար: Ես կցանկանայի մինչև տարվա վերջ լուծել այդ խնդիրը»,- ասել է Փաշինյանը:

2019թ. հունվարի 1-ից ռուսական «Գազպրոմ» ընկերությունը Հայաստանի համար գազի գինը 1000 խմ-ի համար 150 դոլարից բարձրացրել է 165 դոլարի:

 




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ