1000х90.jpg (78 KB)

Երևանում՝ 11:07,   29 Մարտ 2024

«Վերադարձ» ծրագիրը Տավուշի մարզ կբերի շուրջ 5 հազար ընտանիքի

«Վերադարձ» ծրագիրը Տավուշի մարզ կբերի շուրջ 5 հազար ընտանիքի

ԵՆՈՔԱՎԱՆ, 17 ՄԱՅԻՍԻ, ԱՐՄԵՆՊՐԵՍ: Տավուշի մարզպետարանի նախաձեռնությամբ մարզում կիրականացվի «Վերադարձ» ծրագիրը: Դրա շրջանակներում նախատեսվում է մինչև 2025թ. մարզ վերադարձնել շուրջ 5 հազար ընտանիքի: «Արմենպրես»-ի հաղորդմամբ՝ այս մասին հրավիրված ասուլիսում հայտնեց Տավուշի մարզպետ Հայկ Չոբանյանը: 
«Մեր նպատակն է մինչև 2025 թ. «Վերադարձ» ծրագրով առնվազն 5 հազար ընտանիք վերադարձնել Տավուշ: Այսօր արդեն աշխատում ենք կոնկրետ ընտանիքների հետ, ձևավորում ենք գործընկերության շրջանակը: Հիմնականում մեր խնդիրն է, որ վերադառնան սահմանամերձ բնակավայրեր»,-ասաց նա:
Մարզպետի կարծիքով՝ իրենց գործունեության հիմնական ցուցիչը ժողովրդագրական վիճակն է: Եթե նույնիսկ 1000 ձեռնարկություն բացվի մարզում, սակայն ժողովուրդը հեռանա, մարզպետը կհամարի, որ իրենք ձախողվել են: Առ այսօր այս առումով որևէ հաստատուն պետական ծրագիր չի եղել: Սակայն շուտով արդեն պաշտոնապես կհայտարարեն «Վերադարձ» ծրագրի մասին: 
«Մեր նպատակն է հայտնաբերել այն ընտանիքներին, որոնց վերադարձը հայրենիք հավանական է, և նրանց համար ստեղծել կենսաապահովման նվազագույն պայմաններ, այսինքն՝ բնակվելու, աշխատելու, ամսական արժանապատիվ եկամուտ ունենալու հնարավորություն»,-ասաց մարզպետն ու կարևորեց նաև հայերեն չխոսող երեխաների կրթության հարցը: 
Չոբանյանը վստահություն հայտնեց, որ եկող ուսումնական տարում արտերկրից, հատկապես Ռուսաստանից վերադարձած տասնյակ երեխաներ կհաճախեն դպրոց: 
Թեև ծրագրի պաշտոնական մեկնարկը դեռ չի տրվել, սակայն այս պահին Տավուշ վերադարձած շուրջ 10 ընտանիք է հաշվառվել: Մարզպետարանն ունի ռազմավարական մոտեցումներ, գործընկերների շրջանակ և ծրագրի պաշտոնական մեկնարկը կտրվի շուտով: 

 


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]