1000х90.jpg (78 KB)

Երևանում՝ 11:07,   29 Մարտ 2024

ԱՄՆ-ում դատարանը կալանքի տակ վերցրեց WikiLeaks-ի իրազեկիչ Չելսի Մենինգին

ԱՄՆ-ում դատարանը կալանքի տակ վերցրեց WikiLeaks-ի իրազեկիչ Չելսի Մենինգին

ԵՐԵՎԱՆ, 17 ՄԱՅԻՍԻ, ԱՐՄԵՆՊՐԵՍ: ԱՄՆ-ի Վիրջինիայի նահանգի դատարանը կալանքի տակ Է վերցրել WikiLeaks-ի իրազեկիչ Չելսի Մենինգին, որը դարձյալ հրաժարվել Է պատասխանել այդ կազմակերպությանը եւ դրա հիմնադիր Ջուլիան Ասանժի վերաբերյալ գործով երդվյալ ատենակալների ժյուրիի հարցերին: Այդ մասին, ինչպես տեղեկացնում Է «Արմենպրես»-ը, հայտնել Է The Hill թերթը:

Մենինգը, որին նախքան սեռափոխումը, կոչում Էին Բրեդլի, դատարան Էր եկել՝ վիճարկելու ցուցմունքներ տալու տալու համար հարկադիր կարգով ներկայանալու պահանջով ծանուցագիրը: Մարտին Մենինգն արդեն հրաժարվել Էր երդվյալ ատենակալների հարցերին պատասխանել Ալեքսանդրիայի (Վիրջինիայի նահանգ) դատարանում:

Այդ կապակցությամբ նա կալանքի տակ Էր վերցվել երկու ամսով: Մենինգն ազատ Էր արձակվել մայիսի 9-ին: Նրա փաստաբանների խոսքով, նա բանտում անցկացրել Է 62 օր: Ավելի վաղ Մենինգը հայտարարել Է, որ երդվյալ ատենակալներին հրաժարվում Է տեղեկատվություն տրամադրել Էթիկական բնույթի նկատառումներով:

Նա ընդգծել Է, որ մտադիր չԷ համագործակցել այդ գործով զբաղվող քննիչների հետ: Գործին վերաբերող տեղեկատվությունը գաղտնիացված Է, ԶԼՄ-ները հայտնել են, որ այն վերաբերում Է WikiLeaks-ին ու Ասանժին: Մենինգը, որը ցամաքային զորքերի առաջին կարգի շարքայինի կոչում ուներ, կալանավորվել Է 2010 թվականին այն բանի համար, որ WikiLeaks-ին Է հանձնել ավելի քան 700 հազար ռազմական եւ դիվանագիտական փաստաթղթեր, ինչպես նաեւ տեսաֆայլեր, որոնք վերաբերում են Իրաքում ԱՄՆ-ի ռազմական գործողությանը:

Դա դարձել Է գաղտնի տեղեկատվության՝ այն պահին ամենախոշոր արտահոսքն ԱՄՆ-ի պատմության մեջ: 2013 թվականի օգոստոսին Մենինգը դատապարտվել Է 35 տարվա ազատազրկման: Բանտարկության մեջ նա սեռը փոխել Է իգականի, իսկ անունը՝ Չելսի: 2017 թվականի հունվարին Չելսի Մենինգին ԱՄՆ-ի նախագահ Բարաք Օբամայի որոշմամբ ներում Է շնորհվել: 2017 թվականի մայիսին նա ազատ Է արձակվել, հաղորդել Է ՏԱՍՍ-ը:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]