Մադուրոն Կարակասում հանդիպել է Շփման միջազգային խմբի ներկայացուցիչների հետ
09:49, 17 Մայիս 2019
ԵՐԵՎԱՆ, 17 ՄԱՅԻՍԻ, ԱՐՄԵՆՊՐԵՍ: Վենեսուելայի նախագահ Նիկոլաս Մադուրոն առաջին անգամ հանդիպում Է ունեցել Շփման միջազգային խմբի ներկայացուցիչների հետ եւ քննարկել ԱՄՆ-ի պատժամիջոցները, տեղեկացնում Է «Արմենպրես»-ը:
«Կարեւոր հանդիպում Շփման միջազգային խմբի հետ, որն այցելել Է Վենեսուելա: Ես նրանց հայտնեցի իմ պատրաստակամությունը՝ ներքին տարաձայնությունները կարգավորել երկխոսության ճանապարհով եւ քննարկեցի ամերիկյան կայսրության տնտեսական ագրեսիան մեր ժողովրդի դեմ»,- գրել Է Մադուրոն Twitter-ում:
Վենեսուելայի նախագահի եւ Շփման միջազգային խմբի ներկայացուցիչների հանդիպումն անցկացվել Է առաջին անգամ: Դրան մասնակցել են Գերմանիայի, Ֆրանսիայի, Իտալիայի, Պորտուգալիայի, Իսպանիայի, Նիդեռլանդների պատվիրակները, հաղորդել Է «Ինտերֆաքս»-ը:
Բաժանորդագրվեք մեր ալիքին Telegram-ում