«Արմավիր» և «Հրազդան» ՔԿՀ-երի աշխատակիցները բջջային հեռախոսներ են հայտնաբերել թաքստոցներում
18:16, 16 Մայիս 2019
ԵՐԵՎԱՆ, 16 ՄԱՅԻՍԻ, ԱՐՄԵՆՊՐԵՍ: ՀՀ արդարադատության նախարարության «Արմավիր» քրեակատարողական հիմնարկի աշխատակիցները չնախատեսված խուզարկությունների արդյունքում մայիսի 14-ի ժամը 15:30-ի սահմաններում, կալանավորված անձի կոշիկի մեջ պատրաստված թաքստոցից հայտնաբերել են 1 բջջային հեռախոս և բջջային հեռախոսի լիցքավորիչի լար:
Ինչպես «Արմենպրես»-ին տեղեկացրին ՀՀ ԱՆ քրեակատարողական ծառայության հանրային կապերի բաժնից, մայիսի 15-ի ժամը 11:00-ի սահմաններում, ՀՀ ԱՆ «Հրազդան» քրեակատարողական հիմնարկում իրականացված չնախատեսված խուզարկությունների արդյունքում խցերից մեկի սառնարանում պատրաստված թաքստոցից հայտնաբերվել է 1 բջջային հեռախոս:
Դեպքերի առթիվ նախապատրաստվում են նյութեր:
Բաժանորդագրվեք մեր ալիքին Telegram-ում