ԵՐԵՎԱՆ, 16 ՄԱՅԻՍԻ, ԱՐՄԵՆՊՐԵՍ: Եվրահանձնաժողովը (ԵՀ) չի կարողանա դադարեցնել «Հյուսիսային հոսք – 2» խողովակաշարի շինարարությունը, չնայած Եվրամիության Գազի նոր դիրեկտիվի ընդունմանը: Այս մասին, ինչպես հայտնել Է Handelsblatt թերթը, մայիսի 15-ին հայտարարել Է Գերմանիայի կանցլեր Անգելա Մերկելը: «Նախագիծը գործնականում լիովին հաստատված Է:

Գազի նոր դիրեկտիվը Եվրահանձնաժողովին ավելի շատ հնարավորություններ Է ընձեռում («Հյուսիսային հոսք – 2»-ի իրականացման – ծանոթ. խմբ.) բողոքարկման համար: Սակայն նաեւ դա (դիրեկտիվը – ծանոթ. խմբ.) չի խանգարի նախագծին»,- ընդգծել Է Մերկելը: «Հյուսիսային հոսք – 2»-ի կառուցման հարցում «հանգուցային հանգամանքը» կանցլերը համարել Է Ուկրաինան: Նրա կարծիքով՝ Կիեւը պետք Է մնա գազի տարանցորդ, չնայած նոր գազատարի հայտնվելուն, հաղորդել Է ՌԻԱ Նովոստին: