ԱՄՆ դեսպանը տեղեկություն չունի սպասվող հայ-ամերիկյան բարձր մակարդակով փոխադարձ այցերի մասին
18:10, 15 Մայիս 2019
ԵՐԵՎԱՆ, 15 ՄԱՅԻՍԻ, ԱՐՄԵՆՊՐԵՍ: Հայաստանում Ամերիկայի Միացյալ Նահանգների դեսպան Լին Թրեյսին տեղեկություն չունի սպասվող հայ-ամերիկյան բարձր մակարդակով փոխադարձ այցերի մասին:
«Արմենպրես»-ի փոխանցմամբ` այս մասին Թրեյսին հայտնեց մայիսի 15-ին լրագրողների հետ զրույցում:
«Այս պահին որևէ տեղեկություն այդ մասով դեռ չկա: Անցած շաբաթ այստեղ գտնվող ԱՄՆ պետքարտուղարի փոխտեղակալն իր խոսքում նշեց, որ մեր հարաբերությունների խորությունը փոխադարձ այցերով չի գնահատվում: Եվ անցած շաբաթ տեղի ունեցած Հայ-ամերիկյան ռազմավարական երկխոսությանը Նահանգների ներկայացուցչական կազմով ժամանած պատվիրակությունը փաստում են մեր գործակցության և համատեղ աշխատանքի շուրջ մեր երկկողմ հանձնառության մասին»,- ասաց Թրեյսին:
Բաժանորդագրվեք մեր ալիքին Telegram-ում