Մեկնարկել է ՀՖՖ կազմակերպած ֆան-ակումբների մրցաշարը
16:12, 15 Մայիս 2019
ԵՐԵՎԱՆ, 15 ՄԱՅԻՍԻ, ԱՐՄԵՆՊՐԵՍ: «Բանանց» ֆուտբոլային ակումբի մարզաբազայում մեկնարկել է ՀՖՖ կողմից կազմակերպված սիրողական ֆուտբոլի մրցաշար:
«Արմենպրես»-ի հաղորդմամբ` այս մասին հայտնում է ՀՖՖ-ն: Մրցաշարին մասնակցում են «Արարատ», «Արարատ-Արմենիա», «Բանանց» «Փյունիկ» «Լոռի» և Հայաստանի հավաքականի՝ ՖԱՖ երկրպագուական (ֆան) շարժումների թիմերը:
Վերոնշյալ 6 թիմերը միմյանց դեմ կանցկացնեն մեկական հանդիպում, որից հետո խմբային փուլի արդյունքներով 1-4 տեղը զբաղեցրած թիմերը դուրս կգան կիսաեզրափակիչ:
Առաջնության նպատակը Հայաստանում սիրողական ֆուտբոլի և երկրպագուական շարժումների զարգացմանը նպաստելն է:
Բաժանորդագրվեք մեր ալիքին Telegram-ում