1000х90.jpg (78 KB)

Երևանում՝ 11:07,   28 Մարտ 2024

Հայաստանի և Արցախի խորհրդարաններն էլ ավելի են ակտիվացնում Արցախյան հիմնախնդրի վերաբերյալ քննարկումները

 Հայաստանի և Արցախի խորհրդարաններն էլ ավելի են ակտիվացնում Արցախյան 
հիմնախնդրի վերաբերյալ քննարկումները

ԵՐԵՎԱՆ, 15 ՄԱՅԻՍԻ, ԱՐՄԵՆՊՐԵՍ: Հայաստանի և Արցախի խորհրդարանների պատգամավորներն էլ ավելի են ակտիվացնում համագործակցությունը, խորհրդարանական դիվանագիտության համատեքստում Արցախյան հիմնախնդրի քննարկումները: «Արմենպրես»-ի հաղորդմամբ՝ մայիսի 15-ին ՀՀ ազգային ժողովի և Արցախի ԱԺ-ի միջև համագործակցության միջխորհրդարանական հանձնաժողովի առաջին նիստի արդյունքները լրագրողների հետ ճեպազրույցում ամփոփեցին ՀՀ ԱԺ նախագահ Արարատ Միրզոյանն ու ԱՀ ԱԺ նախագահ Աշոտ Ղուլյանը:

«Հատուկ ընտրել էինք օրակարգային հարցը՝ խորհրդարանական դիվանագիտության ակտիվացման թեման և խորհրդարանական դիվանագիտության համատեքստում Ղարաբաղյան հիմնախնդրի քննարկումները, նաև այսօրվա վիճակը: Եվ երկու խորհրդարանների բոլոր պատգամավորներն էլ հնարավորություն ունեցան իրենց տեսակետները ներկայացնելու: Սա համարում եմ շատ օգտակար, քանի որ մենք մի նոր գործընթաց ենք սկսել Հայաստանի խորհրդարանի հետ, սա մեծ ճանապարհի նոր սկիզբ է»,-ասաց Աշոտ Ղուլյանը:

Նա նկատեց, որ  գործնական աշխատանքների իմաստով նիստը ցույց է տվել այն ճանապարհը, որով գնալու են: Արցախի ԱԺ նախագահը վստահություն հայտնեց, որ քննարկումներից շատ հարցեր կառանձնացվեն հաջորդ ամիսներին գործողությունների համար, իսկ մշտական հանձնաժողովների համատեղ նիստերի համար արդեն կոնկրետ պայմանավորվածություններ ունեն:

ՀՀ ազգային ժողովի նախագահ Արարատ Միրզոյանը քննարկումները գնահատեց շատ հետաքրքիր: Քննարկման ընտրված թեման համարեց բացառիկ կարևոր նշանակության: «Այժմ մեր խորհրդարանականներն առավել հստակ պատկերացում ունեն այն մասին, թե ինչպիսի շեշտադրումներ պետք է արվեն զանազան միջազգային  երկկողմ, բազմակողմ շփումներում: Կարծում եմ, որ քննարկումները պետք  է շարունակական լինեն»,-ասաց Միրզոյանը:

Համագործակցության  միջխորհրդարանական հանձնաժողովի նիստին պատգամավորները նաև նախանշել են հետագա քննարկումների հարցերը:


Բաժանորդագրվեք մեր ալիքին Telegram-ում


Այս թեմայով





youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]