1000х90.jpg (78 KB)

Երևանում՝ 11:07,   29 Մարտ 2024

Վարչապետը շեշտում է հեծանվորդների համար երթևեկության ավելի լավ պայմաններ ստեղծելու անհրաժեշտությունը

Վարչապետը շեշտում է հեծանվորդների համար երթևեկության ավելի լավ պայմաններ 
ստեղծելու անհրաժեշտությունը

ԵՐԵՎԱՆ, 10 ՄԱՅԻՍԻ, ԱՐՄԵՆՊՐԵՍ: ՀՀ վարչապետ Նիկոլ Փաշինյանը հույս է հայտնում, որ հեծանվորդների համար քաղաքում և հանրապետությունում երթևեկության ավելի լավ պայմաններ կստեղծվեն: «Արմենպրես»-ի փոխանցմամբ՝ այս մասին վարչապետն ասաց «Ֆեյսբուք»-ի իր էջի ուղիղ եթերում՝ կառավարությունից հեծանիվով կառավարական ամառանոցներ ուղևորվելու ճանապարհին:

«Այսօր մեր հեծանվային սեզոնը բացեցինք: Հեծանվորդների համար Երևանի երթևեկությունն այնքան էլ հարմար չէ, և այս փորձով հույս ունեմ, որ մենք ի վիճակի կլինենք մեր հեծանվորդների համար քաղաքում և հանրապետությունում ավելի լավ պայմաններ ստեղծել: Հեծանվային կանոններն այնքան էլ պարզ չեն, բայց շատ կարևոր է, որ մեր քաղաքում հեծանիվներն ու առողջ ապրելակերպի հետևողները շատանան»,- նշեց Փաշինյանը:

Վարչապետը բոլոր հեծանվորդներին խնդրեց վարելիս միշտ սաղավարտ կրել:

«Այսօր առավոտյան նույն սխալն էի թույլ տվել, ինչը որ նախորդ անգամ. մոռացել էի սաղավարտ դնել, ինչը շատ վատ էր: Ես բոլոր հեծանվորդներին խնդրում եմ՝ առանց սաղավարտի հեծանիվ չվարել»,- ասաց վարչապետը:

Նիկոլ Փաշինյանը նշեց, որ հեծանիվով կառավարությունից մինչև կառավարական ամառանոցներ 4 կիլոմետրանոց ճանապարհով երթևեկելը շատ հաճելի է, բայց անվտանգության աշխատակիցների աշխատանքն է բարդանում: Վարչապետը հույս հայտնեց, որ վերջիններս ըմբռնումով կմոտենան:

Մայիսի 10-ի առավոտյան ՀՀ վարչապետ Նիկոլ Փաշինյանը կառավարական առանձնատնից կառավարություն էր ուղևորվել հեծանիվով, այնուհետև այնտեղից հեծանիվով ուղևորվել էր Երևանի քաղաքապետարանի հարակից տարածք՝ մասնակցելու Երևանի 2800-ամյակի այգու բացման արարողությանը:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]