Ժամանակը Երևանում՝ 11:07:36,   20 Մայիս

Գիտնականները պատմել են, թե որ տարիքում Է հարկավոր ամեն ինչի վրա բարկանալ երկար ապրելու համար


ԵՐԵՎԱՆ, 10 ՄԱՅԻՍԻ, ԱՐՄԵՆՊՐԵՍ: Դյուրագրգիռ եւ ամեն բանի վրա բարկացող տարեց մարդիկ, պարզվում Է, դրանով իսկ երկարացնում են իրենց կյանքը: Այդ մասին, ինչպես տեղեկացնում Է «Արմենպրես»-ը, ասված Է Psychology and Aging հանդեսում հրապարակված հոդվածում:

59-ից մինչեւ 93 տարեկան մի խումբ քաղաքացիների նկատմամբ կատարված դիտարկումների ընթացքում պարզվել Է, որ նրանք, ովքեր նոր են ոտք դնում ծերության շեմին, բացասական հույզեր ունենալով, իրենք իրենց ստիպում են ավելի ակտիվ կենսակերպ վարել: Դա նաեւ ամրապնդում Է մկանների եւ սրտի աշխատանքը եւ «սկսնակ» տարեցներին նվազ նախատրամադրված դարձնում ինֆարկտների եւ ինսուլտների նկատմամբ:

Սակայն նրանք, ովքեր ութերորդ-իններորդ տասնամյակում չեն փոխել իրենց հայացքները շրջակա աշխարհի նկատմամբ, հակառակ արդյունքն են ստացել, քանի որ զայրույթն այլեւս չի հրահրել ֆիզիկական ակտիվություն, այլ միայն առաջացրել Է բարձր մակարդակի սթրես, ինչը, ինքնին, ազդել Է առողջության վրա:

Ի վերջո հետազոտողները եկել են այն եզրակացության, որ հաճախ զայրացող պատկառելի տարիքի մարդկանց մոտ, որպես կանոն, ավելի հաճախ, քան մյուսների մոտ, ի հայտ են գալիս բորբոքումներ եւ քրոնիկական հիվանդություններ, նրանք միջին հաշվով ավելի քիչ են ապրում այն մարդկանց համեմատությամբ, որոնք կարողացել են իրենց մեջ սեր արթնացնել շրջապատող աշխարհի նկատմամբ, հաղորդել Է Life-ը:




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ