ԵՐԵՎԱՆ, 2 ՄԱՅԻՍԻ, ԱՐՄԵՆՊՐԵՍ: Անգլիական «Լիվերպուլ»-ի գլխավոր մարզիչ Յուրգեն Կլոպը գոհ է «Լիվերպուլ»-ից, բայց ոչ «Բարսելոնա»-ի դեմ խաղի արդյունքից:

«Ֆուտբոլն այսպիսին է. «Բարսելոնա»-ն խփեց երեք գնդակ, իսկ մենք՝ ոչ մեկը: Մեր հարձակման գիծը իսկապես հաջող էր գործում, սակայն «Բարսելոնա»-ի պես թիմի դեմ խաղում որոշիչ են մի քանի պահերն անգամ: Ես գոհ եմ «Լիվերպուլ»-ից, բայց ոչ՝ գրանցված արդյունքից»,-«Արմենպրես»-ի հաղորդմամբ` ասել է Կլոպը:

Գերմանացի մասնագետի խոսքով` «Լիվերպուլ»-ը պետք է ընդունի այդ արդյունքը և առաջ շարժվի:

Ֆուտբոլի Չեմպիոնների լիգայի կիսաեզրափակիչի առաջին խաղում «Բարսելոնա»-ն Մեսսիի դուբլի և Լուիս Սուարեսի գոլի շնորհիվ 3:0 հաշվով հաղթեց «Լիվերպուլ»-ին: Թիմերի պատասխան հանդիպումը կկայանա մայիսի 7-ին: