Ժամանակը Երևանում՝ 11:07:36,   4 Հունիս

Ոստիկանություն ընդունվողների աճը շարունակվում է. սպայական ուսադիրներ են ստացել հինգ տասնյակ քաղաքացիներ

Ոստիկանություն ընդունվողների աճը շարունակվում է. սպայական ուսադիրներ են 
ստացել հինգ տասնյակ քաղաքացիներ

ԵՐԵՎԱՆ, 26 ԱՊՐԻԼԻ, ԱՐՄԵՆՊՐԵՍ: Հայաստանի Հանրապետության ոստիկանություն ընդունվողների շարունակական աճ է գրանցվում: Ինչպես «Արմենպրես»-ին հայտնեցին ՀՀ ոստիկանության հասարակայնության հետ կապերի և լրատվության վարչությունից, միայն վերջին մի քանի օրերին ՀՀ ոստիկանության պետ Վալերիյ Օսիպյանի հրամաններով ոստիկանության լեյտենանտի և ավագ լեյտենանտի ուսադիրներ են ստացան հինգ տասնյակ քաղաքացիներ:

Ավանդույթի համաձայն՝ նրանց կոչումները շնորհում էր անձամբ Վալերիյ Օսիպյանը:Նոր ընդունվող ոստիկանության լեյտենանետներն ու համակարգում վերականգնվող ոստիկանության ավագ լեյտենանտները ծառայության կանցնեն ոստիկանության կենտրոնական ապարատի, մարզային և Երևան քաղաքի վարչությունների ենթակա բաժիններում, ճանապարհային ոստիկանությունում և այլ ստորաբաժանումներում:

Վալերիյ Օսիպյանը շնորհավորելով սպայական առաջին ուսադիրներ ստանալու կապակցությամբ՝ հույս հայտնեց, որ նրանք անաչառ, անկաշառ և սրտացավ կծառայեն օրենքին ու ժողովրդին:
ՀՀ ոստիկանության պետը հաջողություն մաղթեց ոստիկանության ծառայողներին հանցավորության դեմ պայքարում և հասարակական կարգի ամրապնդման գործում:

Հիշեցնենք, որ սպայական ուսադիրներ ստացած ոստիկանները անցել են քննական ու ստուգողական մի քանի փուլեր: Ծառայության նշանակվելուց հետո նրանք ոստիկանության կրթահամալիրում կանցնեն եռամսյա վերապատրաստման դասընթացներ, ինչից հետո լիիրավ կընդգրկվեն Հայաստանի ոստիկանության մեծ ընտանիքում:





https://zen.yandex.ru/id/5dee07a31e8e3f00ae3051c1


youtube

Բոլոր նորությունները    


New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ