Թրամփը հանդես Է եկել միջուկային սպառազինություններից հրաժարվելու օգտին
ԵՐԵՎԱՆ, 26 ԱՊՐԻԼԻ, ԱՐՄԵՆՊՐԵՍ: Միացյալ Նահանգների նախագահ Դոնալդ Թրամփը հայտարարել Է, որ ԱՄՆ-ը, Ռուսաստանը եւ Չինաստանը պետք Է հրաժարվեն միջուկային զենքից, տեղեկացնում Է «Արմենպրես»-ը:
«Այսօր ես տեսա, թե ինչպես Ռուսաստանի նախագահ Պուտինը հայտարարեց, որ ուրախ Է Կիմ Չեն Ունի եւ Հյուսիսային Կորեայի հետ ԱՄՆ-ին օգնելու հնարավորության համար: Մենք ցանկանում ենք ազատվել միջուկային զենքից, մենք բոլորս պետք Է ազատվենք: Ռուսաստանը պետք Է ազատվի դրանից, Չինաստանը պետք Է ազատվի դրանից»,- ասել Է Թրամփը Fox News հեռուստաալիքին տված հարցազույցում:
Ավելի վաղ CNN-ը, վկայակոչելով նախագահի վարչակազմի աղբյուրներ, հայտնել Է, որ Սպիտակ տունը ինտենսիվ միջգերատեսչական բանակցություններ Է վարում, որպեսզի ԱՄՆ-ի նախագահ Դոնալդ Թրամփին առաջարկի Ռուսաստանի եւ Չինաստանի մասնակցությամբ միջուկային սպառազինության կրճատման նոր համաձայնագրի տարբերակներ, հաղորդել Է «Ինտերֆաքսը»:
Բաժանորդագրվեք մեր ալիքին Telegram-ում