Երևանում՝ 11:07,   19 Մարտ 2024

ՀՀ դեսպանը և Չեխիայի ԱԳ նախարարը քննարկել են երկկողմ և ԵՄ շրջանակներում քաղաքական խորհրդակցությունների անցկացման օրակարգը

ՀՀ դեսպանը և Չեխիայի ԱԳ նախարարը քննարկել են երկկողմ և ԵՄ շրջանակներում քաղաքական խորհրդակցությունների անցկացման օրակարգը

ԵՐԵՎԱՆ, 25 ԱՊՐԻԼԻ, ԱՐՄԵՆՊՐԵՍ: Չեխիայում ՀՀ դեսպան Աշոտ Հովակիմյանին ապրիլի 25-ին ընդունել է Չեխիայի ԱԳ նախարար Տոմաշ Պետրժիչեկը (Tomáš Petříček)։

Ինչպես «Արմենպրես»-ին տեղեկացրին ՀՀ արտաքին գործերի նախարարության լրատվության և հանրային դիվանագիտության վարչությունից, նախարարը, ողջունելով ՀՀ նորանշանակ դեսպանին, բարձր է գնահատել Հայաստանի և Չեխիայի միջև ընթացող քաղաքական երկխոսությունը ինչպես երկկողմ և բազմակողմ մակարդակներում, այնպես էլ ՀՀ-ԵՄ համագործակցության շրջանակներում։ Հատկապես շեշտվել է Չեխիայի հետաքրքրությունը ԵՄ Արևելյան գործընկերության ձևաչափի պահպանման և ամրապնդման, դրան նոր լիցք հաղորդելու հարցում։

ՀՀ դեսպանը ներկայացրել է Հայաստանի արտաքին քաղաքականության հիմնական առաջնայնությունները, ներքին բարեփոխումների և ժողովրդավարության զարգացմանն ուղղված գործընթացները, տնտեսական, նորարարությունների և բարձր տեխնոլոգիաների բնագավառում համագործակցության հնարավորությունները։ Քննարկվել է բարձրաստիճան այցերի կազմակերպման, երկկողմ և ԵՄ շրջանակներում քաղաքական խորհրդակցությունների անցկացման օրակարգը։


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]