Արմավիրի մարզի Ապագա և Վարդանաշեն համայնքներում տեղի կունենան համայնքի ղեկավարի արտահերթ ընտրություններ
ԵՐԵՎԱՆ, 25 ԱՊՐԻԼԻ, ԱՐՄԵՆՊՐԵՍ: Արմավիրի մարզի Ապագա և Վարդանաշեն համայնքներում հունիսի 9-ն համայնքի ղեկավարի արտահերթ ընտրություններ կանցկացվեն:
«Արմենպրես»-ի փոխանցմամբ` այս մասին որոշումն ապրիլի 25-ի նիստում կառավարությունն ընդունեց չզեկուցվող հարցերի շրջանակում:
«Հայաստանի Հանրապետության Արմավիրի մարզի Ապագա համայնքի ղեկավար Արտաշես Բարսեղյանը համայնքի ղեկավարի պաշտոնում ընտրվել էր 2016 թվականի սեպտեմբերի 18-ին կայացած համայնքի ղեկավարի ընտրության արդյունքում: Արտաշես Բարսեղյանը 2019 թվականի փետրվարի 28-ին հրաժարականի դիմում է ներկայացրել: Հայաստանի Հանրապետության ընտրական օրենսգիրք» սահմանադրական օրենքի 122-րդ հոդվածի համաձայն՝ «Համայնքի ղեկավարի արտահերթ ընտրությունն անցկացվում է սույն օրենսգրքի 120-րդ հոդվածի 1-ին մասով սահմանված օրերից այն օրը, որ պահպանվեն ընտրությունների կազմակերպման և անցկացման համար սույն հոդվածով սահմանված ժամկետները:»: Կենտրոնական ընտրական հանձնաժողովի նախագահի 2018 թվականի հուլիսի 17-ի №26-Ա որոշմամբ սահմանված մոտակա օրն է 2019 թվականի հունիսի 9-ը: Արմավիրի մարզի Ապագա համայնքի ղեկավարի արտահերթ ընտրության անցկացման համար առաջարկվում է այդ օրը:
Հայաստանի Հանրապետության Արմավիրի մարզի Վարդանաշեն համայնքի ղեկավար Արթուր Մանուկյանը համայնքի ղեկավարի պաշտոնում ընտրվել էր 2019 թվականի փետրվարի 17-ին կայացած համայնքի ղեկավարի ընտրության արդյունքում: Արթուր Մանուկյանը 2019 թվականի մարտի 5-ին հրաժարականի դիմում է ներկայացրել: «Հայաստանի Հանրապետության ընտրական օրենսգիրք» սահմանադրական օրենքի 122-րդ հոդվածի համաձայն՝ «Համայնքի ղեկավարի արտահերթ ընտրությունն անցկացվում է սույն օրենսգրքի 120-րդ հոդվածի 1-ին մասով սահմանված օրերից այն օրը, որ պահպանվեն ընտրությունների կազմակերպման և անցկացման համար սույն հոդվածով սահմանված ժամկետները:»: Կենտրոնական ընտրական հանձնաժողովի նախագահի 2018 թվականի հուլիսի 17-ի №26-Ա որոշմամբ սահմանված մոտակա օրն է 2019 թվականի հունիսի 9-ը: Արմավիրի մարզի Վարդանաշեն համայնքի ղեկավարի արտահերթ ընտրության անցկացման համար առաջարկվում է այդ օրը»,- նշված է որոշման նախագծերում:
Բաժանորդագրվեք մեր ալիքին Telegram-ում