«Արսենալ»-ը պարտվեց «Վուլվերհեմփթոն»-ին
ԵՐԵՎԱՆ, 25 ԱՊՐԻԼԻ, ԱՐՄԵՆՊՐԵՍ: Ֆուտբոլի Անգլիայի առաջնության դեռևս 31-րդ տուրից հետաձգված խաղում մրցեցին «Վուլվերհեմփթոն» և «Արսենալ» ակումբները:
«Արմենպրես»-ի հաղորդմամբ՝ առաջին կեսի մեկնարկում «Արսենալ»-ը մի քանի հնարավորություն ուներ առաջ անցնելու հաշվի մեջ: Բայց «Վուլվերհեմփթոն»-ին հաջողվեց առաջին կեսում 3 գնդակ ուղարկել «զինագործների» դարպասը: Նախ 28-րդ րոպեին գոլ խփեց Նևեսը, այնուհետև՝ 37-րդ րոպեին Դոհերթին, իսկ 45+2 րոպեին Ջոտան հաղթանակն ամրապնդելու լուրջ քայլ կատարեցին:
Երկրորդ կեսում Սոկրատիսի անկյունայինից գլխի հարվածով գոլը միակն էր «Արսենալ»-ի համար: «Զինգործները» պարտվեցին Վուլվերհեմփթոն»-ին 3:1 հաշվով:
Հայաստանի ֆուտբոլի ազգային թիմի կիսապաշտպան Հենրիխ Մխիթարյանը մեկնարկային կազում էր, սակայն փոխարինվեց 57-րդ րոպեին:
Այս պարտությունից հետո «Արսենալ»-ը նահանջեց մրցաշարային աղյուսակում և հիմա միայն 5-րդ տեղում է:
Բաժանորդագրվեք մեր ալիքին Telegram-ում