«Իսլամական պետությունն» ստանձնել Է Շրի Լանկայում պայթյունների պատասխանատվությունը. Reuters
15:14, 23 Ապրիլ 2019
ԵՐԵՎԱՆ, 23 ԱՊՐԻԼԻ, ԱՐՄԵՆՊՐԵՍ: «Իսլամական պետություն» ահաբեկչական խմբավորումն ստանձնել Է Շրի Լանկայում իրականացված մի շարք պայթյունների պատասխանատվությունը: Այդ մասին, ինչպես տեղեկացնում Է «Արմենպրես»-ը, հայտնել Է Reuters գործակալությունը:
Ավելի վաղ հաղորդվել Է, որ ապրիլի 21-ին Շրի Լանկայում իրականացված պայթյունների հետեւանքով զոհվել Է 321 մարդ, տուժել Է եւս ավելի քան 520 հոգի: Իշխանությունները ձերբակալել են 40 կասկածյալների:
Գործակալության տվյալներով՝ պայթյունների պատասխանատվությունն ստանձնել Է «Իսլամական պետությունը»: Նշվում Է, որ խմբավորումը կղզում կատարված գրոհներին իր մեղսակցության ապացույցներ չի ներկայացրել, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում