Հայաստանը կհրաժարվի Տոկիո-2020-ի Օլիմպիական խաղերին «սպիտակ քարտով» մասնակցելուց
ԵՐԵՎԱՆ, 23 ԱՊՐԻԼԻ, ԱՐՄԵՆՊՐԵՍ: Հայաստանը հրաժարվելու է Տոկիոյի 2020 թվականի 32-րդ ամառային Օլիմպիական խաղերին «սպիտակ քարտով» մասնակցելուց:
«Արմենպրես»-ի հաղորդմամբ` այս մասին հայտնում է ՀԱՕԿ-ը՝ մեջբերելով Ծառուկյանի խոսքերը. «Մենք այս անգամ հրաժարվելու ենք սպիտակ քարտից, քանի որ ուղղակի մասնակցությունը մեզ պատիվ չի բերում, պետք է բոլոր մարզաձեւերում էլ պայքարենք բարձր տեղերի համար»:
Հայաստանի ազգային օլիմպիական կոմիտեի նախագահ Գագիկ Ծառուկյանն ընդունել է օրեր առաջ ավարտված Եվրոպայի առաջնությունների չեմպիոններին և մրցանակակիրներին, հավաքականների գլխավոր մարզիչներին ու թիմերի անդամներին:
«Սպիտակ քարտը» հատուկ կարգավիճակ Է, երբ մարզիկին իրավունք Է տրվում օլիմպիական մրցումներին մասնակցել առանց վարկանիշի և հավակնություն չունենալ մրցանակային տեղերի. այդ դեպքում մարզիկը մեկնում է խաղերին օլիմպիական կարգախոսի համաձայն՝ կարևորը մասնակցությունն է:
Բաժանորդագրվեք մեր ալիքին Telegram-ում