Շրի Լանկայում պայթյունների գործով ձերբակալվածների թիվը հասել Է 40-ի
09:50, 23 Ապրիլ 2019
ԵՐԵՎԱՆ, 23 ԱՊՐԻԼԻ, ԱՐՄԵՆՊՐԵՍ: Շրի Լանկայում պայթյունների գործով ձերբակալված կասկածյալների թիվը հասել Է 40-ի: Այդ մասին, ինչպես տեղեկացնում Է «Արմենպրես»-ը, ապրիլի 23-ին հայտնել Է Agence France-Presseсо-ը՝ վկայակոչելով երկրի իշխանություններին:
Մինչ այդ հաղորդվել Էր 29 ձերբակալվածների մասին: Ըստ առկա տվյալների՝ նրանց թվում Է նաեւ այն ավտոմեքենայի վարորդը, որը, ինչպես ենթադրվում Է, օգտագործվել Է մահապարտ ահաբեկիչների կողմից, ինչպես նաեւ այն տան տերը, որտեղ ապրում Էին նրանցից ոմանք:
Ավելի վաղ իշխանությունները հայտնել են, որ ապրիլի 21-ին Շրի Լանկայի տարածքում իրականացված մի շարք պայթյունների հետեւանքով զոհվածների թիվը հասել Է 310-ի: Տուժածների թվաքանակը մոտավորապես 500 Է, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում