Ալժիրի ոստիկանությունը ձերբակալել է 5 միլիարդատիրոջ
19:54, 22 Ապրիլ 2019
ԵՐԵՎԱՆ, 22 ԱՊՐԻԼԻ, ԱՐՄԵՆՊՐԵՍ: Ալժիրի ոստիկանությունը ձերբակալել է 5 միլիարդատիրոջ: «Արմենպրես»-ի հաղորդմամբ, «Ինտերֆաքս»-ը տեղեկացնում է, որ նրանցից 4-ը եղել են նախկին նախագահի մտերիմները:
Մեծահարուստները ձերբակալվել են հակակոռուպցիոն գործի շրջանակում: Մասնավորապես, նրանց մեղադրում են «պետության հետ կնքած պայմանագրով պարտավորությունները չկատարելու և իրենց ազդեցությունը օգտագործելու» համար:
Ապրիլի 2-ին զանգվածային բողոքի ակցիաների արդյունքում նախագահ Բուտեֆլիկան հայտարարել էր, որ հեռանում է պաշտոնից: Հաջորդ օրը Ալժիրի Սահմանադրական խորհրդի անդամները հաստատեցին նրա հրաժարականը:
Բաժանորդագրվեք մեր ալիքին Telegram-ում