Դեսպան Հովակիմյանը հանդիպել է Չեխիայի Խորհրդարանի նախագահի հետ
15:27, 22 Ապրիլ 2019
ԵՐԵՎԱՆ, 22 ԱՊՐԻԼԻ, ԱՐՄԵՊՐԵՍ: Չեխիայում ՀՀ դեսպան Աշոտ Հովակիմյանը ապրիլի 16-ին հանդիպել է Չեխիայի Հանրապետության Խորհրդարանի Սենատի նախագահ Յարոսլավ Կուբերայի (Jaroslav Kubera) հետ: Ինչպես «Արմենպրես»-ին հայտնեցին ՀՀ ԱԳՆ լրատվության և հանրային դիվանագիտության վարչությունից, ողջունելով ՀՀ նորանշանակ դեսպանին՝ Սենատի նախագահը բարձր գնահատական է տվել երկկողմ միջխորհրդարանական հարաբերություններին, փոխադարձ բարձրաստիճան այցելություններին, տնտեսական համագործակցության աննախադեպ աճին։
ՀՀ դեսպանը հանգամանալից ներկայացրել է Հայաստանի վերջին տարվա իրադարձությունները, բարեփոխումների գործընթացը և արտաքին քաղաքականության առաջնայնությունները։
Բաժանորդագրվեք մեր ալիքին Telegram-ում