Ժամանակը Երևանում՝ 11:07:36,   23 Մայիս

Սահմանադրական փոփոխություններ Եգիպտոսում. հանրաքվեի մեկնարկը տրված է


ԵՐԵՎԱՆ, 20 ԱՊՐԻԼԻ, ԱՐՄԵՆՊՐԵՍ: Եգիպտոսում մեկնարկել է եռօրյա հանրաքվե երկրի Սահմանադրությունում փոփոխություններ կատարելու համար: «Արմենպրես»-ի հաղորդմամբ, այս մասին տեղեկացնում է «Reuters»-ը:

Փոփոխությունները նախատեսում են նախագահի լիազորությունների ժամկետի երկարաձգում՝ 4-ից դարձնելով 6 տարի: Դրանից բացի, նախատեսվում է խորհրդարանում ևս մեկ պալատի՝ Սենատի ստեղծում, վերականգնվում է փոխնախագահի պաշտոնը:

Ներկայում գործող խորհրդարանում նախատեսվում է սահմանել կին պատգամավորների քվոտա, որը պետք է լինի ոչ քիչ, քան 25 տոկոսը: Փոփոխություններով նախատեսվում է նաև բարձրացնել բանակի դերը:

Հանրաքվեի օրերին Եգիպտոսում խստացվել են անվտանգության միջոցառումները: Ավելի վաղ սահմանադրական փոփոխությունների նախագիծը հավանության էր արժանացել խորհրդարանի կողմից:




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ