Իջևանի հեռուստակայանից հեռուստաալիքների հեռարձակումը վերականգնվել է
16:47, 20 Ապրիլ 2019
ԵՐԵՎԱՆ, 20 ԱՊՐԻԼԻ, ԱՐՄԵՆՊՐԵՍ:«Հայաստանի հեռուստատեսային և ռադիոհաղորդիչ ցանց» փակ բաժնետիրական ընկերությունը տեղեկացնում է, որ, ապրիլի 20-ին` Ժամը 15:15-ից, ընկերությունը վերականգնել է Իջևանի հեռուստակայանից հեռուստատեսային ալիքների հեռարձակումը՝ սարքավորումների էլեկտրասնուցումը ժամանակավորապես կազմակերպելով դիզել-գեներատորի միջոցով:
Ինչպես «Արմենպրես»-ին հաղորդեցին ՀՀ տրանսպորտի, կապի և տեղեկատվական տեխնոլոգիաների նախարարության լրատվական ծառայությունից, էլեկտրահաղորդման գծի վթարի վերացման աշխատանքները շարունակվում են:
Բաժանորդագրվեք մեր ալիքին Telegram-ում