Ժամանակը Երևանում՝ 11:07:36,   5 Հունիս

Հայ արիներն ու համախմբված արիադավան ազգայնականները նշեցին Զատիկը՝ Աստվածամայր Անահիտի տոնը

 Հայ արիներն ու համախմբված արիադավան ազգայնականները նշեցին Զատիկը՝ 
Աստվածամայր Անահիտի տոնը

ԵՐԵՎԱՆ, 20 ԱՊՐԻԼԻ, ԱՐՄԵՆՊՐԵՍ: Մեծամորի (Մեծ Մոր - Աստվածամոր - Մայր Անահիտի) տաճարատարածքում ապրիլի 20-ին հերթական անգամ արեւածագը դիմավորեցին Հայ Արիական Միաբանության եւ Հայ Ազգայնականների Համախմբման անդամները:

Ինչպես «Արմենպրես»-ին տեղեկացրին Հայ արիական միաբանության լրատվական կենտրոնից, այսօր արեւագալին մեկնարկեց հայ արիների ավանդական զատկական տոնը, որ կավարտվի վաղը՝ արեւամուտին, Հայոց Մայր Աստվածուհուն ուղղված ձոներով:

Արիադավան հայերիս համար Զատիկը բնական տոներից է, երբ Մայր-Բնությունը զատելով իր գույները՝ բազմազանությամբ-գունագեղությամբ է լցնում նաեւ մարդկանց սրտերը: Առավոտյան ծիսակարգից եւ Մայր Անահիտին, Հայ Աստվածներին ուղղված ձոներգերից հետո Հայ Արիական Միաբանության Հոգեւոր հանձնախմբի Քրմական դասի ներկայացուցիչները ներկաներին բաժանեցին ավանդական կաթնահունց գաթաները: Եվ կրկին ըստ ավանդույթի, գաթայից Մայր Անահիտի պատկերով արծաթե մատանի դուրս եկավ, ինչը նշանակում էր՝ հաջողակի օջախում էլ երեկոյան կշարունակվի հիմնական տոնը: Իհարկե, հայ արիներն ու հեթանոս ազգայնականները բոլորն էլ իրենց օջախներում կնշեն այս սրբազան տոնը՝ Զատիկը:

Մայր Աստվածուհու պատկերով արծաթե մատանին որպես նվեր հանձնեցին քրմերը, իսկ հաջողակը արժանացավ ձվախաղը սկսելու պատվին: Այնուհետեւ ակսվեց աշխույժ ձվախաղը, որն ավելի շատ ձվամարտի էր վերածվել հաղթական գոռում-գոչյուններից եւ հաղթողները մեծ հաճույքով էին հավաքում ու հաշվում իրենց «ռազմավարը»՝ բազմագույն ձվերը:

Ծեսից հետո Հայ Արիական Միաբանության Հոգեւոր հանձնախմբի Քրմական դասի ներկայացուցիչները վերստին փառաբանեցին Մայր Անահիտին, որ պտղաբերությամբ լցնի հայոց մայրերի արգանդները եւ հայոց օջախների արտերն ու այգիները:

Ծեսի մասնակիցները Մեծամորից դեպի իրենց օջախները գնացին փառաբանելով Հայ Աստվածներին ու Տիեզերքի Արարչին, հայտնեցին, որ սիրով սպասում են Նրանց իրենց ընտանիքներում, տոնական սեղանների շուրջ…





https://zen.yandex.ru/id/5dee07a31e8e3f00ae3051c1


youtube

Բոլոր նորությունները    


New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ