Ժամանակը Երևանում՝ 11:07:36,   6 Հունիս

Սկսվել է Զելենսկու և Պորոշենկոյի բանավեճը դիտել ցանկացող քաղաքացիների հոսքը «Օլիմպիական» մարզադաշտ

Սկսվել է Զելենսկու և Պորոշենկոյի բանավեճը դիտել ցանկացող քաղաքացիների հոսքը 
«Օլիմպիական» մարզադաշտ

ԵՐԵՎԱՆ, 19 ԱՊՐԻԼԻ, ԱՐՄԵՆՊՐԵՍ: Ոստիկանները հանդիսատեսի համար բացել են Կիևի «Օլիմպիական» մարզադաշտի մուտքը, որտեղ ապրիլի 19-ին երեկոյան կայանալու է Ուկրաինայի նախագահական ընտրությունների երկրորդ փուլ անցած թեկնածուներ Վլադիմիր Զելենսկու և Պյոտր Պորոշենկոյի բանավեճը: «Արմենպրես»-ի փոխանցմամբ՝ այս մասին հայտնում է ՏԱՍՍ գործակալությունը:

Հանդիսատեսի համար նախատեսված են տեղեր տրիբունայում և երկրպագուների համար նախատեսված տեղերում: Մարզադաշտում առանձին հատվածներ են նախատեսվել Պորոշենկոյի ու Զելենսկու կողմնակիցների մուտքի համար:

Այցելուներն անվտանգության նկատառումներից ելնելով ստիպված են անցնել ուժայինների մի քանի շարքերի ու մետաղական իրեր որոնող սարքերի միջով: Մարդկանց արգելվում է մարզադաշտ տանել ուտելիք, մետաղական և ապակե իրեր, ֆայերներ, ինչպես նաև զինամթերք հիշեցնող իրեր: Խորհուրդ չի տրվում նաև մարզադաշտ այցելել երեխաների հետ միասին:

«Օլիմպիական» մարզադաշտի հարակից տարածքի խանութներում արգելվել է նաև ալկոհոլի և ծխախոտի վաճառքը:

Բանավեճը կմեկնարկի Երևանի ժամանակով 20:00-ին և կտևի մեկ ժամ:

 





https://zen.yandex.ru/id/5dee07a31e8e3f00ae3051c1


youtube

Բոլոր նորությունները    


New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ