Վրաստան Իրանի քաղաքացիների մուտքի մերժումների թվաքանակը եռապատկվել Է
ԵՐԵՎԱՆ, 19 ԱՊՐԻԼԻ, ԱՐՄԵՆՊՐԵՍ: Մարտ ամսին արգելվել Է Իրանից 1815 անձանց մուտքը Վրաստան, ինչը եռակի գերազանցում Է նախորդ ամիսների ցուցանիշը: Մասնավորապես, երկիր մուտքի հարցում մերժել են Իրանի 576 քաղաքացիների, փետրվարին՝ 564 քաղաքացիների: 2018 թվականի 12 ամսվա ընթացքում թույլ չեն տվել երկիր մտնել Իրանի 3 հազար 224 քաղաքացիների: Տվյալները հրապարակվել են ներքին գործերի նախարարության ինտերնետ-կայքում, տեղեկացնում Է «Արմենպրես»-ը՝ հղում անելով «Գրուզիա Online»-ին:
Այս տարվա մարտին ընդամենը Վրաստան թույլ չեն տվել մտնելու 3098 անձանց, որոնց 58 տոկոսն Իրանի քաղաքացիներ են:
Հիշեցնենք, որ հունվար-մարտին Իրանից այցելուների թվաքանակը 56,5 տոկոսով կրճատվել Է անցյալ տարվա երեք ամսվա համեմատությամբ: Զբոսաշրջության ազգային վարչակազմի ղեկավար Մարիամ Կվիրիկաշվիլիի խոսքով՝ Իրանի քաղաքացիների համար մշակվել են չափանիշներ, որոնց հիման վրա նրանց թույլատրում են մտնել Վրաստան: Դրա հետ մեկտեղ, ՆԳ նախարարության վիճակագրության համաձայն, մարտին Վրաստան մուտքն արգելվել Է Հնդկաստանի 404, Ադրբեջանի՝ 228, Թուրքիայի՝ 130, Թուրքմենստանի՝ 66, Հայաստանի՝ 62, Ռուսաստանի՝ 61 քաղաքացիների:
Բաժանորդագրվեք մեր ալիքին Telegram-ում