Ժամանակը Երևանում՝ 11:07:36,   18 Հունիս

Իսրայելը շրջափակել Է պաղեստինյան տարածքները Պեսախի ընթացքում


ԵՐԵՎԱՆ, 19 ԱՊՐԻԼԻ, ԱՐՄԵՆՊՐԵՍ: Իսրայելն ապրիլի 19-ին ինն օրով պաղեստինյան տարածքների շրջափակման ռեժիմ Է սահմանել Հորդանան գետի արեւմտյան ափին եւ Գազայի հատվածում Պեսախի տոնակատարության ժամանակաշրջանում: Այս մասին, ինչպես տեղեկացնում Է «Արմենպրես»-ը, հայտնել Է Իսրայելի պաշտպանության բանակի մամուլի ծառայությունը:

«Քաղաքական Էշելոնի կողմից իրադրության գնահատմանը համապատասխան որոշում Է ընդունվել հինգշաբթի օրվա ապրիլի լույս 19-ի ուրբաթ օրվա գիշերվա 00:00-ից (Երեւանի ժամանակով 01:00-ից) Հորդանան գետի արեւմտյան ափին եւ Գազայի հատվածում բոլոր պաղեստինյան տարածքների լիակատար շրջափակում սահմանելու մասին: Անցումների բացումը տեղի կունենա անվտանգության բնագավառում իրադրության գնահատումից հետո ապրիլի 27-ի շաբաթ օրվա կեսգիշերին (շաբաթ լույս կիրակի օրվա գիշերը)»,- ասված Է զինվորականների տարածած պաշտոնական հաղորդագրության մեջ: Հրեա ժողովրդի համար ապրիլի 19-ի երեկոյան սկսվող Պեսախը տարվա ամենանշանակալից տոնն Է (նշվում Է Եգիպտոսից հրեաների դուրս գալու հիշատակին): Իսրայելում դա յոթնօրյա տոն Է, հրեական պետության սահմաններից դուրս այն նշվում Է ութ օր: Դրա առաջին եւ վերջին օրերն Իսրայելում հանգստի օրեր են, իսկ դրանց միջակայքում ընկած հինգ օրերը համարվում են կիսատոնական, որոց վրա չեն տարածվում շաբաթ օրվա օրենքները, հաղորդել Է ՏԱՍՍ-ը:




Լրահոս

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ