Ժամանակը Երևանում՝ 11:07:36,   12 Հուլիս

Բիլ Գեյթսի կարողությունը գերազանցել Է հարյուր միլիարդ դոլարը

Բիլ Գեյթսի կարողությունը գերազանցել Է հարյուր միլիարդ դոլարը
ԵՐԵՎԱՆ, 19 ԱՊՐԻԼԻ, ԱՐՄԵՆՊՐԵՍ: Microsoft ընկերության հիմնադիր Բիլ Գեյթսի հարստությունը գերազանցել Է հարյուր միլիարդ դոլարի նշագիծը, ինչը տեղի Է ունեցել 1999 թվականից ի վեր առաջին անգամ: Այդ մասին, ինչպես տեղեկացնում Է «Արմենպրես»-ը, հայտնել Է Forbes հանդեսը: «Բիլ Գեյթսի կարողությունն այս շաբաթ գերազանցել Է հարյուր միլիարդ դոլարի նշագիծը: Դա տեղի Է ունեցել Microsoft-ի բաժնետոմսերի արժեքի աճի շնորհիվ՝ ֆինանսական հաշվետվության հրապարակման նախաշեմին (հրապարակվելու Է ապրիլի 24-ին)»,-ասված Է հաղորդագրության մեջ: Forbes-ի միլիարդատերերի վարկանիշի համաձայն, Գեյթսի կարողությունը գնահատվում Է 100,61 մլրդ դոլար: Միլիարդատերն աշխարհի ամենահարուստ մարդկանց ցուցակում երկրորդն Է մնում Amazon-ի ղեկավար Ջեֆ Բեզոսից հետո, որի կարողությունը կազմում Է 152,95 մլրդ դոլար եւ որը, Forbes հանդեսի վարկածով, 2018 թվականի մարտին բարձրացել Է աշխարհի ամենահարուստ մարդկանց ամենամյա վարկանիշի առաջին հորիզոնականը, առաջ անցնելով Գեյթսից, հաղորդել Է ՌԻԱ Նովոստին:




https://zen.yandex.ru/id/5dee07a31e8e3f00ae3051c1


youtube

Բոլոր նորությունները    


New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ