Հյուսիսային Իռլանդիայում լրագրողուհի Է զոհվել հրաձգության հետեւանքով. Sky
ԵՐԵՎԱՆ, 19 ԱՊՐԻԼԻ, ԱՐՄԵՆՊՐԵՍ: Օլսթերի նահանգի Լոնդոնդերիում ապրիլի 18-ի երեկոյան ծայր առած հրաձգության հետեւանքով զոհվել Է Mediagazer հրատարակության (ԱՄՆ) խմբագիր Լայրա Մաքքին: Ինչպես ապրիլի 19-ին Sky News հեռուստաալիքի եթերում հայտնել Է տեղի ոստիկանությունը, պատահարի պատասխանատվությունը կարող Է ընկնել Իռլանդական հանրապետական բանակ (ԻՀԲ) խմբավորման վրա, տեղեկացնում Է «Արմենպրես»-ը:
«29-ամյա Լայրա Մաքքին վիրավորվել Է եւ հոսպիտալացվել պատահարի վայրից, բայց, ցավոք, վախճանվել Է: Մենք հետաքննություն ենք սկսել սպանության փաստով: Ոստիկանությունը դա գնահատում Է որպես ահաբեկչական գործողություն, որը կատարել են անգութ այլախոհ-հանրապետականները: Մեր գնահատմամբ, ամենայն հավանականությամբ, Նոր ԻՀԲ-ն Է կանգնած պատահարի հետեւում»,- պատմել Է ոստիկանության ներկայացուցիչ Մարկ Հեմիլթոնը: Լրագրողուհու ինքնությունը նաեւ հաստատել Է Mediagazer հրատարակությունն իր Twitter-ում` նշելով, որ Մաքքին եղել Է Օլսթերում տարածաշրջանային հակամարտության եւ ԻՀԲ-ի զինյալների մասին նյութերի հեղինակը: Իռլանդական հանրապետական բանակը ռազմականացված ազգային-ազատագրական կազմակերպություն Է, որը նպատակ Է դրել Մեծ Բրիտանիայից ուժային ճանապարհով հասնելու Օլսթերի անկախության եւ դրա միավորման Իռլանդիայի Հանրապետության հետ, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում