Ժամանակը Երևանում՝ 11:07:36,   25 Մայիս

Ճապոնիայում հիվանդանոցից դուրս կգրեն 258 գրամ քաշով ծնված մանկիկին


ԵՐԵՎԱՆ, 19 ԱՊՐԻԼԻ, ԱՐՄԵՆՊՐԵՍ: Ճապոնիայում հիվանդանոցից դուրս կգրվի ծծկեր երեխան, որը ծնվել Է աշխարհում ամենափոքր՝ 258 գրամ քաշով: Այդ մասին, ինչպես տեղեկացնում Է «Արմենպրես»-ը, հայտնել Է NHK հեռուստաընկերությունը՝ վկայակոչելով Նագանոյի պրեֆեկտուրայի մանկական հիվանդանոցի բժիշկներին:
Հղիության ընթացքում տղայի մոր մոտ հիպերտոնիա Է զարգացել, եւ բժիշկներն անհանգստացել են նրա ներարգանդային զարգացման համար: Անցյալ տարվա հոկտեմբերին հղիության 24-րդ շաբաթին որոշվել Է նրան կեսարյան հատում անել:
Մանկիկը լույս աշխարհ Է եկել 258 գրամ քաշով: Դա աշխարհում ամենափոքր քաշն Է այն երեխաների թվում, որոնք այնուհետեւ կարողացել են ողջ մնալ եւ նորմալ զարգանալ:
Մոր խոստովանությամբ՝ սարսափելի Էր նրան դիպչելը, այնքան փոքր Էր նա: Բժիշկները նշում են սկզբնական շրջանի բարդությունների մասին: Մասնավորապես, դժվար Էր երեխային կաթոցիչ դնել, քանի որ նրա արյունատար անոթները բարակ Էին ասեղներից:
Այժմ տղայի հասակը 43 սանտիմետր Է, իսկ քաշը՝ 3374 գրամ: Ինչպես սպասվում Է, ապրիլի 20-ին երեխան կարող Է դուրս գրվել հիվանդանոցից:
Աշխարհում արձանագրված Է ընդամենը 24 դեպք, երբ 300 գրամից փոքր քաշով ծնված երեխաներին հաջողվել Է ողջ մնալ: Նրանցից գրեթե բոլորն աղջիկներ են եւ միայն հինգը՝ տղաներ, հաղորդել Է ՌԻԱ Նովոստին:



Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ