ԱԺ-ն առաջին ընթերցմամբ կողմ քվեարկեց լիցենզիա չունեցող վարկային միջնորդության ծառայություններ առաջարկողների գովազդները սահմանափակելու նախագծին
10:26, 19 Ապրիլ 2019
ԵՐԵՎԱՆ, 19 ԱՊՐԻԼԻ, ԱՐՄԵՆՊՐԵՍ: ՀՀ Ազգային ժողովն առաջին ընթերցմամբ կողմ քվեարկեց «Լուսավոր Հայաստան» խմբակցության կողմից «Վարչական իրավախախտումների վերաբերյալ ՀՀ օրենսգրքում լրացումներ կատարելու մասին» ՀՀ օրենքի նախագծին:
«Արմենպրես»-ի փոխանցմամբ՝ նախագծով առաջարկվում է լիցենզիա չունեցող վարկային միջնորդության ծառայություններ առաջարկողների գովազդն իրականացնելու համար նախատեսել տուգանք՝ նվազագույն աշխատավարձի երկհազարապատիկի չափով, իսկ չորս տարվա ընթացքում կրկնելու համար՝ չորսհազարապատիկի չափով:
Նախագիծն ընդունվեց պատգամավորների 86 կողմ ձայնով:
Բաժանորդագրվեք մեր ալիքին Telegram-ում