Փարիզում տրվեց «Ֆրանսիայի կառույցի» մեկնարկը՝ Նոտր Դամի վերակառուցման համար
ԵՐԵՎԱՆ, 18 ԱՊՐԻԼԻ, ԱՐՄԵՆՊՐԵՍ: Ֆրանսիայի աշխատանքի նախարարության ղեկավար Մյուրիել Պենիկոն ապրիլի 18-ին հայտարարել Է «Ֆրանսիայի կառույց» կոչվող նախագծի գործարկման մասին՝ երիտասարդ մասնագետներին Փարիզի Աստվածամոր տաճարի վերակառուցմանը ներգրավելու համար, որը տուժել Է հրդեհից:
«Այսօր մենք մշակույթի նախարար Ֆրանկ Ռիեստերի եւ կրթության նախարար Ժան Միշել Բլանկերի հետ գործարկում ենք «Ֆրանսիայի կառույցը»»,- լրագրողներին ասել Է աշխատանքի նախարարը շինարարության բնագավառի մասնագետների հետ կայանալիք հանդիպումից առաջ: Պենիկոն պարզաբանել Է, որ նախագծի նպատակն այն մասնագիտությունների ուսուցման առաջարկությունների քանակի մեծացումն Է, որոնք անհրաժեշտ են տաճարի վերակառուցման, ինչպես նաեւ ամբողջ երկրում մշակութային ժառանգության վերականգնման համար: «Սա կոչվում Է «Ֆրանսիայի կառույց» եւ հիմնվում Է առաջին հերթին տաճարի վերակառուցման վրա, բայց այդ հասկացությունն ավելի լայն Է: Եվ դա հնարավորություն կընձեռի ներգրավելու հազարավոր երիտասարդների ամբողջ Ֆրանսիայում»,- նշել Է նախարարը: Նրա ասելով՝ խոսքը վերաբերում Է տանիքագործներին, ատաղձագործներին, քարագործներին, վիտրաժիստներին, դեկորատորներին, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում