ԵՐԵՎԱՆ, 17 ԱՊՐԻԼԻ, ԱՐՄԵՆՊՐԵՍ: Եվրահանձնաժողովը հրապարակել Է ԱՄՆ-ից ներմուծվող այն ապրանքների ցուցակը, որոնց վրա կարող Է 20 մլրդ դոլարի մաքսատուրք դրվել՝ ի պատասխան Boeing ընկերությանը ԱՄՆ-ի պետական սուբսիդիաների տրամադրման: Ցուցակն ապրիլի 17-ին Եվրահանձնաժողովի մամուլի ծառայությունը տարածել Է Առեւտրի համաշխարհային կազմակերպության (ԱՀԿ) որոշումից հետո, ըստ որի ԱՄՆ-ի 12 մլրդ դոլարի չափով այդ սուբսիդիաները խախտել են ազնիվ մրցակցության սկզբունքը եվրոպական Airbus-ի հետ, տեղեկացնում Է «Արմենպրես»-ը:

«Ցուցակը ներառում Է ապրանքների ընդարձակ ցանկ՝ ինքնաթիռներից եւ քիմիական նյութերից մինչեւ ագրարային արտադրանք, ներառյալ սառեցված ձուկը, ցիտրուսային մրգերը եւ կետչուպը,-ասված Է ԵՀ-ի փաստաթղթում:-Եվրահանձնաժողովը բաց Է մնում այս խնդրի շուրջ ԱՄՆ-ի հետ բանակցությունների համար, հաղորդել Է ՏԱՍՍ-ը: