1000х90.jpg (78 KB)

Երևանում՝ 11:07,   28 Մարտ 2024

Կոտայքի մարզում առաջիկայում վերելակների գործարան կհիմնվի

Կոտայքի մարզում առաջիկայում վերելակների գործարան կհիմնվի

ԵՐԵՎԱՆ, 17 ԱՊՐԻԼԻ, ԱՐՄԵՆՊՐԵՍ: ՀՀ Կոտայքի մարզում առաջիկայում կհիմնվի վերելակների գործարան, որտեղ նախատեսվում է արտադրել տարեկան 2000-3000 վերելակ:

«Արմենպրես»-ի հաղորդմամբ՝ լրագրողների հետ զրույցում այս մասին ասաց ՀՀ Կոտայքի մարզպետ Ռոմանոս Պետրոսյանը:

Նրա խոսքով՝ վերելակները կստեղծվեն ինչպես ներքին շուկայի սպառման, այնպես էլ արտահանման համար:

Կոտայքի մարզպետը «XinJiang TianShan Elevator Manufacturing» չինական ընկերության հետ հուշագիրը ստորագրել է 5 ամիս առաջ:

«Այս պահին ունենք 5 արտադրատարածք, որոնք նախնական հավանության են արժանացել հայաստանյան ներկայացուցչության կողմից: Սպասում ենք չինական պատվիրակության այցին, որպեսզի իրենց մասնագետները վերջնական ընտրությունը կատարեն և ներկրեն հոսքագծերը: Մոտավորապես հաշվարկել ենք վերելակների պահանջարկի մարզի ունեցած պոտենցիալը, գումարած դրան այլ տարածաշրջանների քաղաքային ու այդ թվում մայրաքաղաքում ունեցած իրացման հնարավորությունները»,- նշեց Պետրոսյանը:

Վերջինս հավելեց նաև, որ բիզնես նախագծի գերնպատակներից մեկն է ԵԱՏՄ շուկայում ներկայացնել Հայաստանում արտադրված վերելակները:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]