Apple-ը եւ Qualcomm-ը համաձայնել են դադարեցնել դատաքննությունը. Wall Street Journal
ԵՐԵՎԱՆ, 17 ԱՊՐԻԼԻ, ԱՐՄԵՆՊՐԵՍ: Apple ընկերությունը եւ պրոցեսորների մատակարար Qualcomm-ը համաձայնության են եկել Քուփերթինոյի ընկերության կողմից արտոնագրերի հեղինակային իրավունքների խախտումների վերաբերյալ դատական քննությունը դադարեցնելու շուրջը: Այդ մասին, ինչպես տեղեկացնում Է «Արմենպրես»-ը, ապրիլի 16-ին հայտնել Է Wall Street Journal (WSJ) թերթը:
Ըստ թերթի՝ Apple-ը եւ Qualcomm-ը համաձայնության են եկել պրոցեսորների արտոնագրերի եւ մատակարարումների շուրջը: WSJ-ն ընդգծում Է, որ ընկերությունները դադարեցնում են դատավեճերը, սակայն Apple-ը պարտավորվում Է 31 միլիոն դոլար վճարել Qualcomm-ին, գումարն ավելի վաղ սահմանել Է Կալիֆոռնիայի նահանգի Սան Դիեգոյի դաշնային դատարանը:
Նաեւ հայտնի Է դարձել, որ կողմերը պլանավորում են պահպանել համալրող մասերի մատակարարման պարտավորագիրը, որն ավելի վաղ կնքվել Է երկու ընկերությունների միջեւ: Ընկերությունների արտոնագրային պատերազմն ընթանում Էր 2017 թվականի հունվարից: Տարաձայնությունների հետեւանքով Չինաստանում սահմանել են iPhone-ի մի քանի մոդելների վաճառքի արգելք, Գերմանիայում վաճառքները հայտնվել են սպառնալիքի տակ, հաղորդել Է «Ինտերֆաքսը»:
Բաժանորդագրվեք մեր ալիքին Telegram-ում