Թրամփը պարսավել ու «թաղել» Է իր հիմնական դեմոկրատ-մրցակիցներին
ԵՐԵՎԱՆ, 17 ԱՊՐԻԼԻ, ԱՐՄԵՆՊՐԵՍ: ԱՄՆ-ի նախագահ Դոնալդ Թրամփը Twitter-ում պարսավել ու «թաղել» Է 2020 թվականին նախագահական աթոռի համար պայքարում իր հիմնական դեմոկրատ-մրցակիցներ Բեռնի Սանդերսին եւ Ջո Բայդենին, տեղեկացնում Է «Արմենպրես»-ը:
«Կարծում եմ, որ երկու ֆինալիստներն, որոնք ընտրություններին կմասնակցեն, հնարավոր Է՝ մեր երկրի պատմության մեջ լավագույն տնտեսության (եւ Էլի հիանալի շատ բաների) դեմ, կլինեն խելառ Բեռնի Սանդերսը եւ թմրած Ջո Բայդենը: Ես պատրաստ եմ պայքարել ցանկացածի դեմ: Հանգիստ տուր նրանց հոգիներին, Տե՛ր»,- ապրիլի 17-ին գրել Է Թրամփն իր Twitter-ում:
Հասարակական կարծիքի հարցման արդյունքները, որն անցկացրել Է The Morning Consult ընկերությունը, ցույց են տվել, որ Բայդենը եւ Սանդերսն առաջատարներն են այն 25 դեմոկրատներից, որոնք այս պահին հայտարարել են նախագահական արշավին մասնակցելու մասին:
Բայդենը, հարցման տվյալներով՝ հավաքում Է 31 տոկոս, իսկ Սանդերսը՝ 23 տոկոս: Մյուս թեկնածուներից ոչ մեկը երկնիշ թիվ չի հավաքել: Հարցումն անցկացվել Է ապրիլի 8 – 14-ը գրանցված ընտրողների շրջանում, դրան ամբողջ երկրում մասնակցել Է 12 հազար 550 մարդ, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում