1000х90.jpg (78 KB)

Երևանում՝ 11:07,   29 Մարտ 2024

Հրաչյա Փոլադյանը Կուսայ ալ Սուհայլի հետ քննարկել է Իրաքում ՀՀ բուհերի դիպլոմների ճանաչման հարցը

Հրաչյա Փոլադյանը Կուսայ ալ Սուհայլի հետ քննարկել է Իրաքում ՀՀ բուհերի 
դիպլոմների ճանաչման հարցը

ԵՐԵՎԱՆ, 16 ԱՊՐԻԼԻ, ԱՐՄԵՆՊՐԵՍ: Իրաքում ՀՀ դեսպան Հրաչյա Փոլադյանն ապրիլի 15-ին հանդիպել է Իրաքի բարձրագույն կրթության և գիտական ուսումնասիրությունների նախարար, դոկտոր Կուսայ ալ Սուհայլի (Dr. Qusay Al-Suhail) հետ։

Ինչպես «Արմենպրես»-ին տեղեկացրին ՀՀ արտաքին գործերի նախարարության լրատվության և հանրային դիվանագիտության վարչությունից, հանդիպման ընթացքում կողմերը քննարկել են բարձրագույն կրթության և գիտության բնագավառներում երկկողմ հետաքրքրություն ներկայացնող մի շարք հարցեր։ Մասնավորապես, դեսպան Փոլադյանը ընդգծել է 2018թ. Հայաստանի և Իրաքի միջև բարձրագույն կրթության և գիտության ոլորտում շրջանառության մեջ դրված Փոխըմբռնման հուշագրի նախագծի մոտ ապագայում ստորագրման անհրաժեշտությունը։ Հաշվի առնելով Իրաքի քաղաքացիների մեծ հետաքրքրությունը հայաստանյան բուհերում ուսումնառության նկատմամբ, ինչպես նաև Հայաստանում նրանց բավական մեծ թվի առկայությունը՝ հանդիպման ընթացքում անդրադարձ է կատարվել հայաստանյան բուհերի, այդ թվում նաև Երևանի պետական համալսարանի և Երևանի Մխիթար Հերացու անվան պետական բժշկական համալսարանի ավարտական դիպլոմների Իրաքի տարածքում ճանաչման հարցերին։ Կողմերը պայմանավորվածություն են ձեռք բերել վերոհիշյալ խնդիրների լուծման նպատակով կազմակերպել փոխայցելություններ։

Նախարար ալ Սուհայլը մեծ գոհունակությամբ է ընդունել ՀՀ դեսպանի կողմից համագործակցության խորացմանն ուղղված առաջարկությունները՝ պատրաստակամություն հայտնելով այս բնագավառում զարգացնելու երկու բարեկամ երկրների միջև հետագա փոխգործակցությունը։

 


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]