Ժամանակը Երևանում՝ 11:07:36,   20 Ապրիլ

Հայաստանը և Գերմանիան խորացնում են համագործակցությունը բնապահպանության ոլորտում 


ԵՐԵՎԱՆ, 15 ԱՊՐԻԼԻ, ԱՐՄԵՆՊՐԵՍ: ՀՀ բնապահպանության նախարար Էրիկ Գրիգորյանն ընդունել է Գերմանիայի Դաշնային Հանրապետության զարգացման և տնտեսական համագործակցության նախարարության ներկայացուցիչ Դանիել Հաասի գլխավորած պատվիրակությանը՝ ՀՀ-ում ԳԴՀ արտակարգ և լիազոր դեսպան Բերնհարդ Մաթիաս Քիսլերի,  KfW գերմանական բանկի Հարավային Կովկասի տարածաշրջանային գրասենյակի տնօրեն Կլաուս Վայգելի, բանկի ծրագրի ղեկավար Ալվարո Բեռիելի, KfW-ի և GIZ-ի հայաստանյան ներկայացուցիչների ուղեկցությամբ։

Ինչպես «Արմենպրես»-ին տեղեկացրին ՀՀ բնապահպանության նախարարության տեղեկատվության և հասարակայնության հետ կապերի բաժնից, հանդիպման ժամանակ քննարկվել է Գերմանական KfW բանկի կողմից  բնապահպանության ոլորտում իրականացվող բարեփոխումներին ուղղված՝ 2019-2020 թթ. համար Հայաստանին բյուջետային աջակցության տրամադրման գործընթացը։ Դիտարկվել են բարեփոխումների թիրախները և ակնկալվող արդյունքները։

Բնապահպանության նախարար Էրիկ Գրիգորյանը, ներկայացնելով կենսաբազմազանության պահպանության ուժեղացման, միասնական մոնիթորինգի ու թույլտվությունների համակարգերի ձևավորման, փորձաքննության գործընթացների օրենսդրական և ինստիտուցիոնալ փոփոխությունների միջոցառումները, նշել է, որ դրանց հիմնական նպատակը շրջակա միջավայրի պահպանության արդյունավետության բարձրացումը և ոլորտում կոռուպցիոն ռիսկերի նվազեցումն է։

Հանդիպմանն անդրադարձ է եղել նաև ՀՀ-ԵՄ Ընդլայնված և համապարփակ գործընկերության համաձայնագրի շրջանակներում բնապահպանության ոլորտին առնչվող մոտ 30 հրահանգների մոտարկման համար Բնապահպանության նախարարության մշակած 97 գործողությունների ճանապարհային քարտեզի իրականացման ընթացքին։




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ