Հայ-ռուսական միացյալ զորախմբի մարտավարական զորավարժությունները կավարտվեն կրակային փուլով
14:31, 12 Ապրիլ 2019
ԵՐԵՎԱՆ, 12 ԱՊՐԻԼԻ, ԱՐՄԵՆՊՐԵՍ: Բաղրամյան զորավարժարանում մեկնարկել է հայ-ռուսական միացյալ զորախմբի մարտավարական զորավարժության եզրափակիչ` կրակային փուլը:
«Արմենպրես»-ի փոխանցմամբ` կրակային փուլի անձնակազմը բաղկացած է ավելի քան 1500 զինծառայողից: Հայ-ռուսական միացյալ զորախմբի հրամանատար Տիգրան Փարվանյանի խոսքով` զորավարժությունն անցկացվում է առանց սյուժեի:
«Չի լինելու սցենար, չկա գրած, թե ինչից հետո ինչ պետք է լինի: Խնդիրը տրվում է հրամանատարին, նա պետք է ղեկավարի իր զորքը, և ընթացքում տարբեր տեսակի առաջադրանքներ է ստանալու, և դրանք նույնպես պետք է կատարի»,- ասաց Փարվանյանը:
Միացյալ զորավարժությունն սկսվել է ապրիլի 1-ին:
Բաժանորդագրվեք մեր ալիքին Telegram-ում