ԵԽ-ում հանդիսավորությամբ բացվեց Հայաստանի հեղափոխության մասին ցուցահանդեսը. ներկայացված են նաև «Արմենպրես»-ի լուսանկարները
ՍՏՐԱՍԲՈՒՐԳ, 11 ԱՊՐԻԼԻ, ԱՐՄԵՆՊՐԵՍ։ Եվրոպայի խորհրդում հանդիսավորությամբ բացվեց «Հայաստանի թավշյա հեղափոխություն» խորագրով ցուցահանդեսը։
«Արմենպրես»-ի հաղորդմամբ ՝ ցուցահանդեսի բացմանը ներկա էին ՀՀ վարչապետ Նիկոլ Փաշինյանը, ԵԽԽՎ նախագահ Լիլիան Մորի Պասկիեն, ԵԽ գլխավոր քարտուղար Թորբյորն Յագլանդը։
Ցուցահանդեսին ներկայացված են «Արմենպրես» լրատվական գործակալության լուսանկարիչներ Գևորգ Պերկուպերկյանի, Մխիթար Խաչատրյանի և Տաթև Դուրյանի, «Ֆոտոլուր»-ի լուսանկարիչներ Հայկ և Վահրամ Բաղդասարյանների լուսանկարները, ինչպես նաև ՀՀ վարչապետի լուսանկարիչ Տիգրան Մեհրաբյանի, լուսանկարիչներ Անի Գևորգյանի, Հրանտ Խաչատրյանի աշխատանքները։
Շուրջ քառասուն լուսանկար ամբողջությամբ պատմում է 2018 թվականի գարնանը Գյումրիից սկսված, Հայաստանի ամբողջ տարածքով ծավալված և Երևանում ավարտված հեղափոխության ընթացքը։
Նշենք, որ ցուցահանդեսը շրջիկ է, առաջիկայում լուսանկարները կներկայացվեն եվրոպական այլ քաղաքներում։
Բաժանորդագրվեք մեր ալիքին Telegram-ում