ԵԽ գլխավոր քարտուղարը կարևորել է Հայաստանի ու Ադրբեջանի կառավարությունների կողմից բացառապես քաղաքական հայտարարությունների հնչեցումը
ԵՐԵՎԱՆ, 11 ԱՊՐԻԼԻ, ԱՐՄԵՆՊՐԵՍ: Եվրոպայի խորհրդի համար անընդունելի է ԼՂ հակամարտության մասնակիցների կողմից ուժի կիրառման սպառնալիքների հնչեցումը: «Արմենպրես»-ի փոխանցմամբ` այս մասին ապրիլի 11-ին Ստրասբուրգում ՀՀ վարչապետ Նիկոլ Փաշինյանի հետ համատեղ մամուլի ասուլիսի ընթացքում ասաց Եվրոպայի Խորհրդի գլխավոր քարտուղար Թորբյորն Յագլանդը:
«Մեզ համար անընդունելի են ուժի սպառնալիքները: Իմ առաջարկն այն է, որ մարդու իրավունքների կոմիտեն պետք է աշխատի այս ուղղությամբ: Երկրների կառավարությունների կողմից պետք է քաղաքական հայտարարություններ հնչեն»,- ասաց Յագլանդը:
ՀՀ վարչապետ Նիկոլ Փաշինյանն ասուլիս ավարտին ԵԽ քարտուղարին հանձնեց Եվրոպայի խորհրդի հիմնադրման 70-ամյակի կապակցությամբ Երևանի Հյուսիսային պողոտայի միջանկյալ հատվածում գտնվող հրապարակը «Եվրոպայի հրապարակ» անվանակոչելու մասին որոշումը:
Ապրիլի 11-ին ՀՀ վարչապետ Նիկոլ Փաշինյանը ելույթ կունենա Եվրոպայի խորհրդի խորհրդարանական վեհաժողովի գարնանային նստաշրջանի լիագումար նիստում։
Բաժանորդագրվեք մեր ալիքին Telegram-ում