Հովհաննիսյանը և Մովսեսյանը Իսլանդիայի մրցաշարի առաջատարներն են
13:59, 10 Ապրիլ 2019
ԵՐԵՎԱՆ, 10 ԱՊՐԻԼԻ, ԱՐՄԵՆՊՐԵՍ: Հայ գրոսմայստերները շարունակում են հաղթարշավը Իսլանդիայի միջազգային մրցաշարում:
«Արմենպրես»-ի հաղորդմամբ` Ռեյկյավիկի մրցաշարի 3-րդ տուրում Հայաստանի ներկայացուցիչներից Սերգեյ Մովսեսյանը և Ռոբերտ Հովհաննիսյանը հաղթանակներ տարան, Տիգրան Պետրոսյանը ոչ-ոքի ավարտեց պարտիան:
Այժմ 3 հնարավորից 3-ական միավորով մրցաշարային աղյուսակը գլխավորում են Սերգեյ Մովսեսյանը և Ռոբերտ Հովհաննիսյանը:
«Ռեյկյավիկ «Gamma» միջազգային բաց մրցաշարն անցկացվում է շվեյցարական սիստեմով և բաղկացած է 9 տուրից: Մրցաշարին մասնակցում է 150 շախմատիստ: Այն կեզրափակվի ապրիլի 16-ին:
Բաժանորդագրվեք մեր ալիքին Telegram-ում