Նիկոլ Փաշինյանը Գյումրիում քննարկեց նոր ավտոկայարան կառուցելու հարցը
16:23, 5 Ապրիլ 2019
ԵՐԵՎԱՆ, 5 ԱՊՐԻԼԻ, ԱՐՄԵՆՊՐԵՍ։ ՀՀ վարչապետ Նիկոլ Փաշինյանն ապրիլի 5-ին Գյումրի կատարած շրջայցի ընթացքում եղավ նաև քաղաքային ավտոկայարանում։
«Արմենպրես»-ի փոխանցմամբ՝ ավտոկայարանում վարչապետ Փաշինյանը ծանոթացավ ուղևորափոխադրումների պայմաններին։ ՀՀ տրանսպորտի, կապի և տեղեկատվական տեխնոլոգիաների նախարար Հակոբ Արշակյանի ու ավտոկայարանի ուղևորափոխադրումները սպասարկող ընկերության սեփականատեր Մարտուն Գրիգորյանի հետ Նիկոլ Փաշինյանը քննարկեց առկա խնդիրները ու նոր ավտոկայարան կառուցելու հարցը։
Վարչապետը Գյումրի է ժամանել նոր արագընթաց գնացքով, շրջել է Տիգրան Մեծ փողոցով, շրջայց կատարել «Չերքեզի ձոր» կոչվող ձկան արտադրամասում և այցելել ռուսական 102-րդ ռազմաբազա։
Բաժանորդագրվեք մեր ալիքին Telegram-ում