Եվրոպայի շախմատի առաջնության 9-րդ տուրում Մարտիրոսյանը և Մովսեսյանը հաղթանակներ տարան
09:56, 28 Մարտ 2019
ԵՐԵՎԱՆ, 28 ՄԱՐՏԻ, ԱՐՄԵՆՊՐԵՍ: Շախմատի Եվրոպայի անհատական առաջնությունում կայացան 9-րդ տուրի պարտիաները:
«Արմենպրես»-ի հաղորդմամբ` Հայաստանի ներկայացուցիչներից հաղթանակներ տոնեցին Հայկ Մարտիրոսյանը և Սերգեյ Մովսեսյանը: Իրենց պարտիաները ոչ-ոքի արդյունքով ավարտեցին Սամվել Տեր-Սահակյանը, Ռոբերտ Հովհաննիսյանը և Շանթ Սարգսյանը: Պարտություն կրեցին Արման Փաշիկյանը, Մանուէլ Պետրոսյանը և Հրանտ Մելքումյանը:
Այս տուրից հետո Սամվել Տեր-Սահակյանն ունի 6,5 միավոր և առաջատարից դարձյալ ետ է կես միավորով:
Բաժանորդագրվեք մեր ալիքին Telegram-ում